ثقافة الصحفي مهدي عبيد يكشف "ما لم يقل" حول ما حدث مع عمّه الذي قال أنه متزوّج بـ "جنيّة" في برنامج مع علاء
أثارت حلقة التونسي الذي ظهر في برنامج علاء الشابي على قناة الحوار مدعيا انه"متزوج بجنية طبيبة" أثارت ضجة كبيرة في صفوف كل ما تابعها.
في هذا الاطار استنكر الصحفي مهدي عبيد وهو ابن شقيق المواطن المذكور، استنكر تمرير تلك الحلقة من برنامج "مع علاء رغم طلب العائلة بعدم بثها والاستظهار بما يثبت أن الرجل يعاني "مرضا عصبيا".
وفي ما يلي نص التدوينة التي نشرها عبيد على حسابه الشخصي على الفايسبوك :
"السلام
نحب نعلمكم انو الشخص الي تعدا البارح في برنامج المسمي علاء هو عمي و مانيش حاشم به لا هو و لاني حاشم من عايلتي ، إنسان مريض بالأعصاب و معروف في حمامات بالحكاية هاذي و تم إستدراجو للبرنامج بطريقة قذرة و قذرة جدا ، تم إستغلال وضعو النفسي و الصحي باش... يعمل منو تكركيرة في البرنامج ، عمي كيف هزيتوه ما شربش دواه و خليتوه نهارين بلاش دواء لين وصلك نهار التصوير طايح زبدة و جاك في طبق باش كركرتو .
تعرف شمعناها الي صار البارح اسمو ارهاب إعلامي ؟
الراجل استعرفلك يقولك مريض بالأعصاب و أحنا كعايلتو جبنالكم شهادة طبية و طلبنا منكم عدم بث الحلقة أو أضعف الإيمان حذف المقاطع الصادمة التي أظهرت إنكم قناة لا تحترم أخلاقيات المهنة و لا قانون صحافة .
سأكشف لاحقا عدة حقايق و بالأدلة على حلقة البارح و سيتم تقديم قضية و شكاية للهايكا .
بالنسبة للعباد إلي تتشمت في راجل مريض ما نلومش عليكم خاطر انتم بيدكم مرضي أما نلوم الحمامية و أكثرهم أصحابي و يعرفوني رغم هذاكا تطيحتوا القدر و شيختو رواحكم بالشماتة و من ليوم أقسم بالله لا عاد نرحم حد لا زميل لا ولد حومة لا صاحب ان شاء الله واحد فيكم يجي تحت إيديا .
نلتقي قريبا".
